ត្រីឆ្លាម Basking shark គឺជាត្រីឆ្លាមដែលធំជាងគេទីពីរ បន្ទាប់ពីត្រីបាឡែន។ ខណៈពេលដែលត្រីឆ្លាម Basking shark និងត្រីបាឡែន មើលទៅគឺអាចលេបត្រីធំៗ ឬទោះបីជាខ្លួនមនុស្សក៏ដោយ ប៉ុន្តែពួកវាមិនបង្កគ្រោះថ្នាក់នោះទេ ពីព្រោះស៊ីតែផ្លង់តុង(រុក្ខជាតិសមុទ្រ)តែប៉ុណ្ណោះ។
Friday, February 28, 2020
ត្រីឆ្លាមដ៏ធំនេះនឹងមិនខាំអ្នកទេ
ត្រីឆ្លាម Basking shark គឺជាត្រីឆ្លាមដែលធំជាងគេទីពីរ បន្ទាប់ពីត្រីបាឡែន។ ខណៈពេលដែលត្រីឆ្លាម Basking shark និងត្រីបាឡែន មើលទៅគឺអាចលេបត្រីធំៗ ឬទោះបីជាខ្លួនមនុស្សក៏ដោយ ប៉ុន្តែពួកវាមិនបង្កគ្រោះថ្នាក់នោះទេ ពីព្រោះស៊ីតែផ្លង់តុង(រុក្ខជាតិសមុទ្រ)តែប៉ុណ្ណោះ។
Thursday, February 27, 2020
ជាតិអាល់កុលធ្វើឲ្យត្រីរស់បានយូរ
នៅពេលដែលត្រីមាសមានអារម្មណ៍ថា អាកាសធាតុត្រជាក់កំពុងមកដល់ ខ្លួនរបស់ពួកវាក៏ចាប់ផ្តើមផលិតអេតាណុល។ ប្រូតេអ៊ីនពិសេសៗនៅក្នុងត្រីប្រែក្លាយអាស៊ីតឡាក់ទិចចូលទៅជាជាតិអាល់កុល។ កំហាប់អេតាណុលខ្ពស់រក្សាស្រទាប់កោសិកាស្តើងរបស់ត្រីពីការប្រេះ នៅពេលដែលកកនៅក្នុងទឹកកក ដែលកំពុងរង់ចាំការរលាយ។
Wednesday, February 26, 2020
អ្នកលក់បង្កងខេត្តតាកែវបង្ហើបតិចនិចជ្រើសរើសបង្កងធម្មជាតិពិតៗ
ដោយសារមានរស់ជាតិឆ្ងាយ បង្កងធម្មជាតិខេត្តតាកែវ រមែងត្រូវបានអ្នកលក់ មួយចំនួនបន្លំថា ជាបង្កងធម្មជាតិ។ បង្កងធម្មជាតិមានប្រភពពីខេត្តតាកែវ ត្រូវបានអ្នកទេសចរពីទីជិតឆ្ងាយល្បីថា មានរសជាតិប្លែក បើប្រៀបធៀបនឹងបង្កងទឹកសាបនៅតំបន់ផ្សេង។
ចំពោះបង្កងធម្មជាតិមានតម្លៃចាប់ពី ២០ ដុល្លារទៅជាង ៤០ដុល្លារ។ ប៉ុន្តែបង្កងចិញ្ចឹមវិញមានតម្លៃរង្វង់ ១០ ដុល្លារឡើង។ នេះបើតាមបញ្ជាក់ពី លោក ហេង សំណាង៕
Monday, February 24, 2020
សត្វអន្ទង់ វ័យចំណាស់ជាងគេ លើពិភពលោក អាយុ១៥៥ឆ្នាំ បានងាប់ហើយ!
សត្វអន្ទង់ ត្រូវបានគេដឹងថា អាចមានអាយុកាល រស់នៅ ពី១៥ ទៅ៦០ឆ្នាំប៉ុណ្ណោះ ប៉ុន្តែសម្រាប់សត្វអន្ទង់ ដែលមានឈ្មោះថា Ale មួយក្បាលនេះ គឺមានអាយុ រហូតដល់ទៅ១៥៥ឆ្នាំឯណោះ។
គួរបញ្ជាក់ផងដែរថា Ale បានរស់នៅក្នុងអណ្តូងមួយ ស្ថិតនៅក្នុងទីក្រុងនេសាទតូចមួយ នៃទីក្រុង Brantevik ភាគខាងត្បូង នៃប្រទេសស៊ុយអែត។ Ale ត្រូវបានក្មេងប្រុសម្នាក់ បោះចូលទៅក្នុងអណ្តូងនោះ តាំងពីឆ្នាំ១៨៥៩មកម្ល៉េះ។ ក្នុងអំឡុងឆ្នាំនោះ នៅក្នុងប្រទេសស៊ុយអែត គេតែងតែបោះសត្វអន្ទង់ ចូលទៅក្នុងអណ្តូង ដើម្បីរក្សានូវការផ្គត់ផ្គង់ទឹកស្អាត ព្រោះសត្វអន្ទង់ វានឹងស៊ីសត្វរុយ និងសត្វល្អិតដទៃទៀត ដែលនៅក្នុងទឹកអណ្តូង។
Sunday, February 23, 2020
ត្រីដំរី អាចរស់នៅក្នុងទឹកសាបផង ទឹកភ្លាវផង និងពង-កូនមួយឆ្នាំពីរដង
ត្រីដំរី ត្រូវបានគេកត់ត្រាចូលក្នុងបញ្ជីរក្រហម IUCN Red List (Least Concern) ជាប្រភេទត្រី ដែលមានការព្រួយបារម្ភតិចតួច ថានឹងអាចឈានទៅផុតពូជ។ កត្តាគំរាមកំហែងនាពេលបច្ចុប្បន្នចំពោះត្រីប្រភេទនេះមិនត្រូវបានគេដឹងឡើយ។
Saturday, February 22, 2020
ប្រវត្តិសត្វតុកកែតោងកមនុស្ស
មានដំណាលថា បុរសម្នាក់ឡើងបេះផ្លែល្វានៅមាត់បឹងមួយ។បុរសឡើងដល់ប្រគាបមែកជាន់ក្រោម ក៏ប្រទះសត្វតុកកែមួយក្បាលលូនចេញពីរូង រួចលោតផ្លាញមកតោងកបុរសនោះជាប់។បុរសភ័យពេក ក៏លោតចុះពីដើមល្វាស្ទើរតែបាក់កស្លាប់ រួចរត់ឲ្យគេជួយ តែគ្មាននរណាអាចជួយបេះពីកគាត់បានឡើយ។
នៅផ្ទះក្បែរនោះមានចាស់ទុំម្នាក់ចេះដឹងច្រើនពីប្រវត្តិសត្វតុកកែ។ មនុស្សចាស់នោះក៏ឲ្យគេដើរប្រមូលស្ត្រីមេម៉ាយចំនួន៧នាក់អស់៥ភូមិ់ទើបបេះរួចពីកបុរសនោះ ៕
Friday, February 21, 2020
ញាក់សាច់! សត្វឈ្លើង ធំមួយក្បាល រស់នៅក្នុងច្រមុះ របស់នារីម្នាក់ ជិត១ខែ ទើបដឹង
ស្កុតឡែន៖ មានរឿងគួរឲ្យភ្ញាក់ផ្អើលមួយ ដែលសត្វឈ្លើងមួយក្បាល បានរស់នៅ ក្នុងច្រមុះរបស់នារីម្នាក់ ជិតមួយខែ។
Daniela Liverani បានប្រទះឃើញ សត្វឈ្លើងមួយក្បាល នៅក្នុងច្រមុះរបស់នាង គួរឲ្យតក់ស្លុតបំផុត។ ចំពោះហេតុការណ៍ដំបូង គឺនាង Liverani បាននិយាយថា "កាលពី២សប្តាហ៍មុន ខ្ញុំបានធ្វើដំនើរកំសាន្ត ជុំវិញតំបន់ អាស៊ីអាគ្នេយ៍ខាងត្បូង ប៉ុន្តែ ច្រមុះរបស់ខ្ញុំ ចេះតែធ្លាក់ឈាមរហូត ដូច្នេះខ្ញុំក៏បានគិតថា ប្រហែលជាដោយសារតែ ខ្ញុំដួលកង់ហើយ ទើបបណ្តាល ឲ្យមានបញ្ហាបែបនេះ។ រហូតដល់ខ្ញុំ បានត្រឡប់មកផ្ទះវិញ នៅទីក្រុង EdinBurgh ច្រមុះរបស់ខ្ញុំ ក៏បានឈប់ឈាម ប៉ុន្តែខ្ញុំ បានឃើញអ្វីម្យ៉ាង នៅក្នុងរន្ធច្រមុះ ហើយខ្ញុំ បានគិតថា ជាកំនកឈាម។ ខ្ញុំក៏បានព្យាយាមញើសវាចេញដែរ ប៉ុន្តែវាមិនព្រមចេញទាល់តែសោះ "។
Thursday, February 20, 2020
អ្នកវិទ្យាសាស្ដ្រអាមេរិក ទើបរកឃើញ ត្រីតុកកែមាត់ក្រពើ ដ៏គួរឲ្យខ្លាចក្នុងជម្រៅទឹក ១៧៧១ ម៉ែត្រ
ចាប់ពីសត្វសមុទ្រទឹកជ្រៅភ្នែកធំៗ រហូតដល់ត្រីតុកកែមាត់ក្រពើ ដ៏គួរឲ្យខ្លាច ក្រុមអ្នកវិទ្យាសាស្ដ្រ បានប្រើយានបញ្ជា ដើម្បីស្រាវជ្រាវរកសត្វស្រស់ស្អាតប្លែកៗក្នុងបាតសមុទ្រអំឡុងយុទ្ធនាការ «Windows to the Deep» ១៧ ដង។
ត្រីទឹកជ្រៅដ៏គួរឲ្យខ្លាច ដែលស្ថិតក្នុងអម្បូរ បាតធីស៊ូរូស មានមុខស្លេកដូចខ្មោច កែវភ្នែកខ្មៅក្រឹប និងមាត់ធំៗពេញទៅដោយធ្មេញមុតស្រួច។ យោងតាម National Geographic ត្រីតុកកែមានសរីរាង្គទាំងញី និងឈ្មោល ដែលអនុញ្ញាតឲ្យពួកគេរួមសង្វាស់ជាមួយសមាជិកណាមួយក៏បាន។
ត្រីដ៏គួរឲ្យរអើមនេះអាចលូតដល់ប្រវែងជាង ៦ តឹក និងសម្ងំចាំចាប់ចំណីយ៉ាងស្ងាត់ស្ងៀម៕
Wednesday, February 19, 2020
ហេតុអ្វីចិនមានជំនឿខ្លាំងលើសត្វនាគរាជ
នៅក្នុងប្រទេសចិន នាគរាជត្រូវគេជឿថា ជាសត្វដែលមានកម្លាំង និងមានមហិទ្ធិរិទ្ធិខ្លាំងក្លា អាចហៅភ្លៀង អាចធ្វើឲ្យមានទឹកជំនន់ មានព្យុះដោយសារតែកន្ទុយរបស់វា នៅក្នុងពេលដែលវាចង់មកលេងទឹក ឬបើវាខឹងវិញ ទឹកជំនន់គឺកាន់តែខ្លាំងដែរ។ មិនតែប៉ុណ្ណោះ នាគរាជត្រូវបានគេចាត់ទុកថា ជាសត្វដែលមានតួនាទីចម្លងមនុស្សទៅកាន់ឋានបរមសុខនៅពេលដែលស្លាប់នោះបាន។ លើសពីនោះទៅទៀត នាគរាជនេះក៏ជាស្ដេចនៃពិភពធម្មជាតិផងដែរ ដែលវាអាចបម្រែបម្រួលអាកាសធាតុ ហើយក៏អាចបញ្ចៀសបានដែរ ។
បើតាមទំនៀមទំលាប់ប្រពៃណីដែលបានចារទុកជាយូរលង់ណាស់មកហើយនោះ នាគរាជគឺជាសត្វដែលគេចាត់ទុកថា គឺជារាជទូតដែលនាំទឹកភ្លៀងមកស្រុកទេសរបស់គេ ហើយនាគរាជនេះគឺវាមានសិទ្ធិថា កន្លែងណាគួរទម្លាក់ទឹកភ្លៀង និង កន្លែងណាមិនត្រូវទម្លាក់ទឹកភ្លៀង។ នាគរាជគឺត្រូវបានគេជឿថាគឺជាស្ដេចនៅក្រោមទឹកសមុទ្រ។ ប្រជាជនចិនបានប្រាប់ថា ការលេចឡើងនូវសត្វនាគនៅក្នុងប្រទេសនេះគឺកើតតាំងពីសតវត្សរ៍ទី១១ មុនគ្រឹស្ដសករាជ នៅក្នុងរជ្ជកាល យិន និង ស៊ាង ដែលគេបានរកឃើញគ្រោងឆ្អឹងដែលជាផូស៊ីលបន្សល់ទុកឲ្យស្រាវជ្រាវរហូតមក។ ក្រោយមកទៀតក៏គេបានរកឃើញស្នែង ធ្មេញ ស្រកា និងក្រញ៉ាំរបស់វា ដែលវត្ថុទាំងនេះនៅថែរក្សាធាតុដើមរបស់វាបានល្អទាំងអស់។
Sunday, February 16, 2020
វិធីបណ្ដេញសត្វរុយមហាស្រួល អ្នកដឹងបានដឹង
ពេលឃើញថង់ទឹកពណ៌ស ចងបន្តោងតាមផ្ទះ កន្លែងញ៉ាំអាហារ ឬភោជនីយដ្ឋានទីងតោងៗ តិចច្រឡំថាគេតាំងលំអ ឬដើម្បីមើលសីតុណ្ហភាពណា។ និយាយឱ្យស្រួលស្ដាប់ទៅ គេចងព្យួរវា ទុកបណ្ដេញសត្វរុយចង្រៃចេញប៉ុណ្ណោះ។
តើថង់ទឹកបណ្ដេញរុយចេញតាមរបៀបណា? អ្នកជំនាញមួយចំនួនអះអាងថា សត្វរុយអាចគិតថា ស្បោងទឹកស្អាត ជាផ្នែកខាងលើនៃទឹក ដែលមានផ្ទៃធំល្វឹងល្វើយ។ ចំណែកអ្នកខ្លះទៀតថា រុយខ្លាចចំណាំងប្លាតទឹក និងចំណាំងពន្លឺ។
ក្នុងទ្រឹស្ដី និងអ្នកវិទ្យាសាស្ត្រខាងសត្វល្អិតជឿជាក់ថា ចំណាំងប្លាត ធ្វើឱ្យសត្វល្អិតមួយចំនួនមើលមិនឃើញ ហើយហើរចេញ ជាពិសេសសត្វរុយ។
ចំណែកអ្នកយល់ស្របបានលើកឡើងថា ថង់ទឹកពិតជាអាចបណ្ដេញសត្វល្អិតចេញពិតមែន ជាពិសេសសត្វល្អិតភ្នែកច្រើនដូចជារុយ។
គ្រោះមួយទៀតហើយ! ហ្វូងសត្វកណ្ដូបវាលខ្សាច់រាប់លានក្បាលអាចនឹងឆ្លងចូលដល់តំបន់អាស៊ី
Friday, February 14, 2020
វិធីការពារសត្វក្អែបមិនឲ្យចូលផ្ទះ ដោយវិធីធម្មជាតិ
វិធីការពារសត្វក្អែបមិនឲ្យចូលផ្ទះ ដោយវិធីធម្មជាតិ
១. ទឹកខ្មេះ: ស្រួលរកទិញទេ ទិញទឹកខ្មេះយកមកលាយជាមួយទឹក រួចបាញ់វាតាមរបង ឬគែមផ្ទះ ។
២. ចិញ្ចឹមមាន់: ការចិញ្ចឹមមាន់ នៅក្នុងបរិវេណផ្ទះ ក៏ជួយបំបាត់សត្វក្អែបបានដែរ ព្រោះវាជាចំណីដ៏ឆ្ងាញ់របស់សត្វមាន់។
៣. យកកំបោរទៅរោយនៅបរិវេណមានសំណើម ព្រោះសត្វក្អែបចូលចិត្តនៅកន្លែងនោះ បើសិនយើងរោយកំបោរ សត្វក្អែបមិនហ៊ានចូលមកនៅទេ តែបើវានៅស្រាប់ ក៏ត្រូវតែវារចេញពីកន្លែងនោះដែរ។
៤. យកសាប៊ូដុំតូចៗ ទៅដាក់នៅមាត់លូ ឬគែមបំពង់ទឹក ឬមាត់ទ្វារបន្ទប់ទឹក នៅពេលសត្វក្អែបវារឡើងមកតាមបំពង់ នឹងបានជួបមហិទ្ធិប្ញទ្ធិរបស់សាប៊ូ វានឹងមិនហ៊ានវារមកឡើយ។
Wednesday, February 12, 2020
សត្វកន្ទាទូក
ជនជាតិខ្មែរយើង និយមទទួលទានសត្វល្អិតដែលរស់នៅក្នុងទឹក មានដូចជា៖ សត្វកន្ទាទូក សត្វកន្តេះឡង់ សត្វចៃទឹក ។ល។ ដោយយកមកលីង ឬ បំពងខ្លាញ់ ដើម្បីឆ្នៃជាអាហារប្រចាំថ្ងៃ ឬ ទទួលទានកំសាន្តមាត់ម្តងម្កាល។
ពួកសត្វប្រភេទនេះ ច្រើនរស់នៅក្នុងស្រែ ឬ ក្នុងទឹក បឹងបួរ ឬ តាមដងស្ទឹង និង ទន្លេ ។ល។
វាគឺជាប្រភេទចំណីអាហារដែលមានជាតិ ប្រូតេអុីនខ្ពស់ ដែលសូម្បីតែនៅទ្វីប អឺរ៉ុប ក៏គេចាប់ផ្តើមចិញ្ចឹមវាបែបសិប្បនិមិត្តដើម្បីធ្វើជាអាហារដែរ។
Tuesday, February 11, 2020
កុំចូលចិត្តញ៉ាំលៀស ខ្ចៅ ខ្យង ពេក ព្រោះអាចឆ្លងសត្វល្អិតទៅក្នុងពោះវៀន
គ្នាយើងមួយចំនួនចូលចិត្តញ៉ាំពពួកលៀស ខ្ចៅ ខ្យង ព្រោះវាមានរសជាតិឆ្ងាញ់ និងថោកអាចរកទិញបានគ្រប់ទីកន្លែង។ តែការញ៉ាំអាហារទាំងនេះច្រើន អាចមានផលប៉ះពាល់ខ្លាំងចំពោះសុខភាព ព្រោះសាច់សត្វទាំងនោះរស់នៅកន្លែងមិនល្អ និងជាប់មានដីនៅជាមួយ។
ដើម្បីបកស្រាយពីបញ្ហានេះ វេជ្ជបណ្ឌិតផ្នែកទូទៅ លី ឬទ្ធីគុណ និងជាម្ចាស់សេវាកម្មថែទាំមនុស្សចាស់តាមគេហដ្ឋាន បានពន្យល់ថា៖ “ខ្យង ខ្មៅខ្លះមិនមែនធម្មជាតិឡើយ ព្រោះគ្មានអ្នកនៅតាមស្រុកស្រែចុះទៅចាប់ទៅរាវនៅបឹង នៅទន្លេបានច្រើនរាល់ថ្ងៃយកមកផ្គត់ផ្គង់គ្រប់កន្លែង ព្រមទាំងហាងធំៗដែរនោះទេ។ មានខ្លះគេចិញ្ចឹម និងយកមកពីប្រទេសជិតខាងយើង ហើយបើខ្លះទៀតវារស់នៅក្នុងទឹកកខ្វក់ ហើយជាធម្មតារបស់ចិញ្ចឹមគឺគេឲ្យស៊ីកាកសំណល់គ្រប់ប្រភេទ ភាគច្រើនរបស់មិនល្អ”។
Monday, February 10, 2020
វៀតណាម លែងក្ដាមពង ២ពាន់ក្បាល នៅកោះត្រល់
ក្ដាមខៀវពង ជាង២ពាន់ក្បាល ត្រូវបានវៀតណាម លែងចូលសមុទ្រជុំវិញកោះត្រល់(ភូគុក) ក្នុងន័យលើកកម្ពស់ការអភិរក្ស នេសាទហួសប្រមាណ និងមិនជួញដូរ សត្វកម្រប្រភេទនេះ ក្នុងរដូវបន្តពូជ(ពង) និងមិនទាន់គ្រប់អាយុ។
យន្តការជំរុញ បង្កើនធនធានទឹកប្រៃនេះធ្វើឡើងក្នុង "ពិធីបុណ្យក្ដាមខៀវ" បន្ទាប់ពី ក្ដាមប្រភេទនេះ ក្លាយទៅជាម្ហូបតំណាង និងពេញនិយមបំផុត នៃសមុទ្រKien Giang។ ដូច្នេះ មច្ឆជាតិជំពូកនេះ បានក្លាយទៅជាប្រភពចំណូលដ៏សំខាន់មួយសម្រាប់ប្រជានេសាទនៃតំបន់នេះ ជាង ២ម៉ឺននាក់។
Friday, February 7, 2020
ខ្លាដំបង រឺ ខ្លាធំ
🐅🐅🐅 ខ្លាដំបង រឺ ខ្លាធំ ជាប្រភេទដែលមានមាឌធំជាងគេបំផុតក្នុងចំណោមអំបូរខ្លា និងងាយស្រួលចំណាំ។ វាមានសម្បុរក្រហម លឿង ឬត្នោតខ្ចី មានឆ្នូតបង្កង់ពណ៌ក្រម៉ៅកាត់ទទឹងដងខ្លួន។ នៅផ្នែកខាងក្រោមចង្កា និងបំពង់កមានពណ៌។ កន្ទុយមានសម្បុរខ្មៅជាកង់ៗ និងខ្មៅផ្នែកខាងចុង។
ខ្លាធំអាចរស់នៅក្នុងជម្រកគ្រប់ប្រភេទ ដែលមានទឹក ចំណី និងម្លប់គ្រប់គ្រាន់ ព្រោះវាជាសត្វចាញ់កម្តៅថ្ងៃ។ នៅពេលថ្ងៃក្តៅខ្លាំង ខ្លាធំចំណាយពេលច្រើនម៉ោងដើម្បីដេកត្រាំទឹក។ វាមានភាពស្ទាត់ជំនាញក្នុងការហែលទឹក ហើយវាមិនឡើងដើមឈើទេ បើសិនមិនចាំបាច់។ ខ្លាធំអាចចាប់ចំណីបាន ចាប់ពីសត្វតូចរហូតដល់សត្វធំបាន (ប្រើស ទន្សោង ខ្ទីង)។ ខ្លាធំអាចបង្កាត់ពូជបានគ្រប់រដូវ។ វាអាចមានអាយុរហូតដល់ ២៥ឆ្នាំក្នុងធម្មជាតិ។ ខ្លាប្រភេទនេះចូលចិត្តដើរតាមដងផ្លូវដែលទើបតែឈូសឆាយរួច ឬផ្លូវប្រឡះក្នុងព្រៃ។
តើក្ងោកអាចហោះបានទេ?
សត្វក្ងោក ជាសត្វដែលមានពណ៌ឆើតឆាយមួយ។ សត្វនេះមានកន្ទុយជាមធ្យម ១.៨ម៉ែត្រ ដែលស្មើនឹង ៦០% នៃប្រវែងខ្លួនរបស់វាសរុប។ សត្វនេះមាន ៣ពូជធំៗគឺ ក្ងោកឥណ្ឌា (មានប្រភពពីឧបទ្វីបឥណ្ឌា) ក្ងោកបៃតង (មានប្រភពពីអាស៊ីខាងត្បូង) និងក្ងោកកុងហ្គោ (មានប្រភពពីតំបន់អាហ្វ្រិក)។
ទោះបីជា វាមានខ្លួនធំ និងកន្ទុយវែងយ៉ាងណាក៏ដោយ ក៏ក្ងោកនៅតែអាចហោះបានដែរ។ វាចាប់ផ្ដើមហោះ ដោយរត់ រួចហក់ ហើយក៏ត្រដាងស្លាបហោះតែម្ដង។
វាហោះតែក្នុងស្ថានភាពគ្រោះថ្នាក់ ហើយបានតែនៅរយៈចម្ងាយខ្លីប៉ុណ្ណោះ។ វាអាចហោះបានក្នុងល្បឿន ១៦គីឡូម៉ែត្រក្នុងមួយម៉ោង។
សត្វក្ងោកអាចរស់បានដល់អាយុ ២៥ឆ្នាំ ដែលមានអាយុវែងជាងបក្សីផ្សេងទៀត ខណៈមាន់អាចរស់ត្រឹម ៧ ឬ ៨ឆ្នាំ ខណៈមាន់ទួរគីអាចដល់ ១០ឆ្នាំ៕
Thursday, February 6, 2020
តើដង្កូវអាចក្លាយជាមេអំបៅដោយរបៀបណា?
វាចាប់ផ្តើមនៅពេលមេអំបៅញីពងលើស្លឹក ឬដើមរុក្ខជាតិ។ នៅខាងក្នុងស៊ុតតូចៗទាំងនោះ ដង្កូវក៏ចាប់ផ្ដើមលូតលាស់ឡើង។ ស៊ុតទាំងនោះមានរៀងខុសៗគ្នា ដែលវាអាចមានរាងមូល រាងពងក្រពើ ឬរាងស៊ីឡាំង ហើយមានលក្ខណៈរលោង គ្រើម ឬស្នាមជ្រួញ។ ពេលវេលាដែលស៊ុតត្រូវការដើម្បីញាស់ ក៏មានភាពខុសៗគ្នាបន្ដិចបន្ដួចដែរ ខ្លះញាស់ក្នុងរយៈពេលពីរទៅបីសប្តាហ៍ ហើយខ្លះទៀតញាស់បានលុះត្រាតែអាកាសធាតុមានសភាពក្តៅល្មម។
មេអំបៅមានភាពស្រស់ស្អាតពីធម្មជាតិ ប៉ុន្ដែមុននឹងក្លាយជាមេអំបៅ វាក៏បានឆ្លងកាត់ជីវិតជាដង្កូវដែលមើលទៅគួរឲ្យខ្ពើមផងដែរ។ ថ្ងៃនេះ CamboGlobe សូមចែករំលែកអ្នកទាំងអស់គ្នានូវវដ្ដជីវិតរបស់មេអំបៅ
Monday, February 3, 2020
បទពិសោធន៍ព្យាបាលជំងឺផ្ដាសាយលើសត្វទា
១_ វត្ថុធាតុផ្សំ_អង្ករកន្លះកំប៉ុង
_មើមខ្ទឹម៣ទៅ៤កំពឹស
_ស្ករត្នោត១ខាំ
_សំបកស្ដៅ ឫសំបកគរ ១បន្ទះ
២_របៀបធ្វើ _យកអង្ករទៅត្រាំទឹករយះពេល២ទៅ៣ម៉ោងដើម្បីអោយអង្កររីក បន្ទាប់មកស្រង់អង្ករចេញ
_បុកមើមខ្ទឹមឱ្យម៉ដ្ធ
_យកធាតុផ្សំទាំង៣ អង្ករ ខ្ទឹម ស្ករ លាយបញ្ចូលគ្នាអោយសព្វ
៣_របៀបប្រើប្រាស់_យកធាតុផ្សំដែលលាយហើយ អោយទាសុីមួយថ្ងៃ បីដង ធាតុផ្សំទាំងនេះសំរាប់ទាប្រាំក្បល
Sunday, February 2, 2020
សួនសត្វអូទ្រីសនៅមណ្ឌលគិរីកំពុងទទួលបានចំណាប់អារម្មណ៍ពីភ្ញៀវទេសចរណ៍ក្នុងស្រុក
មណ្ឌលគិរី ជាខេត្តមួយនៅភាគឦសាន្តដែលបច្ចុប្បន្នកំពុងតែទាក់ទាញភ្ញៀវទេសចរណ៍ក្នុងស្រុកតាមរយៈទេសភាពដ៏ស្រស់ស្អាតនៃសម្រស់ធម្មតានាវដូវវស្សា។
មីៗនេះ នៅលើបណ្ដាញសង្គមហ្វេសប៊ុក ត្រូវបានគេបង្ហោះថា នៅលើទឹកដីដែលមានសក្តានុពលផ្នែកវិស័យទេសចរណ៍មួយនេះ កំពុងមានវត្តមាន «សួនសត្វអូទ្រីស»។
សួនសត្វអូទ្រីសនេះត្រូវបានគេអះអាងថា ស្ថិតនៅក្នុងឃុំដាក់ដាំ ស្រុកអូររាំង ខេត្តមណ្ឌលគិរី ដែលមានសត្វអូទ្រីមួយហ្វូងកំពុងបង្ហាញខ្លួនជួនភ្ញៀវទេសចរបានទស្សនានៅលើវាស្មៅ ដែលទើបនឹងលាស់ខ្ចីនៅលើតំបន់ភ្នំគួរជាទីចាប់អារម្មណ៍ក្រៃលែង ។
រូបភាពដ៏ស្រស់ស្អាតនេះ មើលទៅដូចជានៅបរទេស ដែលត្រូវបានទំព័រហ្វេប៊ុក Unique Trip Cambodia បង្ហាញឱ្យអ្នកលេងបណ្ដាញសង្គមដ៏មានប្រជាប្រិយមួយនេះបានឃើញគ្រប់ៗគ្នា ។
Subscribe to:
Comments (Atom)
កន្លែងទាំង១០ដែលស្រស់ស្អាត ជាងគេបំផុតក្នុងពិភពលោក
កន្លែងទាំង១០ដែលស្រស់ស្អាត ជាងគេបំផុតក្នុងពិភពលោក ពិភពលោកដ៏អស្ចារ្ យ ដែលយើងរស់នៅ សព្វថ្ងៃនេះ មានកន្លែងជាច្រើន មានសម្រស់ដ៏ស្រស់ស្អាត ដែលអ្នកមិ...
-
😧 ជំងឺបាក់ទឹកចិត្ត 😧 តើជំងឺធ្លាក់ទឹកចិត្តជាអ្វី? ជំងឺធ្លាក់ទឹកចិត្តគឺជាជំងឺទូទៅនិងធ្ងន់ធ្ងរដែលជះឥទ្ធិពលអវិជ្ជមានដល់អារម្មណ៍របស់អ្ន... -
💪 អត្ថប្រយោជន៍នៃការហាត់ប្រាណ 💪 លំហាត់ប្រាណ: 7 អត្ថប្រយោជន៍នៃការធ្វើលំហាត់ប្រាណទៀងទាត់ ចង់មានអារម្មណ៍ល្អប្រសើរជាងមុនមានថាមពលកាន់ត... -
💸ដូចម្ដេចដែលហៅថាមិត្តភាព 💸 ខាងក្រោមរកឃើញនូវគុណសម្បត្តិទាំង 11 ដែលកំណត់ឱ្យមិត្តភក្តិពិតក្រៅពីទំនាក់ទំនងផ្សេងទៀតនៅក្នុងជីវិតរបស់យើង។ ...