🐅🐅🐅 ខ្លាដំបង រឺ ខ្លាធំ ជាប្រភេទដែលមានមាឌធំជាងគេបំផុតក្នុងចំណោមអំបូរខ្លា និងងាយស្រួលចំណាំ។ វាមានសម្បុរក្រហម លឿង ឬត្នោតខ្ចី មានឆ្នូតបង្កង់ពណ៌ក្រម៉ៅកាត់ទទឹងដងខ្លួន។ នៅផ្នែកខាងក្រោមចង្កា និងបំពង់កមានពណ៌។ កន្ទុយមានសម្បុរខ្មៅជាកង់ៗ និងខ្មៅផ្នែកខាងចុង។
ខ្លាធំអាចរស់នៅក្នុងជម្រកគ្រប់ប្រភេទ ដែលមានទឹក ចំណី និងម្លប់គ្រប់គ្រាន់ ព្រោះវាជាសត្វចាញ់កម្តៅថ្ងៃ។ នៅពេលថ្ងៃក្តៅខ្លាំង ខ្លាធំចំណាយពេលច្រើនម៉ោងដើម្បីដេកត្រាំទឹក។ វាមានភាពស្ទាត់ជំនាញក្នុងការហែលទឹក ហើយវាមិនឡើងដើមឈើទេ បើសិនមិនចាំបាច់។ ខ្លាធំអាចចាប់ចំណីបាន ចាប់ពីសត្វតូចរហូតដល់សត្វធំបាន (ប្រើស ទន្សោង ខ្ទីង)។ ខ្លាធំអាចបង្កាត់ពូជបានគ្រប់រដូវ។ វាអាចមានអាយុរហូតដល់ ២៥ឆ្នាំក្នុងធម្មជាតិ។ ខ្លាប្រភេទនេះចូលចិត្តដើរតាមដងផ្លូវដែលទើបតែឈូសឆាយរួច ឬផ្លូវប្រឡះក្នុងព្រៃ។
No comments:
Post a Comment