សត្វក្ងោក ជាសត្វដែលមានពណ៌ឆើតឆាយមួយ។ សត្វនេះមានកន្ទុយជាមធ្យម ១.៨ម៉ែត្រ ដែលស្មើនឹង ៦០% នៃប្រវែងខ្លួនរបស់វាសរុប។ សត្វនេះមាន ៣ពូជធំៗគឺ ក្ងោកឥណ្ឌា (មានប្រភពពីឧបទ្វីបឥណ្ឌា) ក្ងោកបៃតង (មានប្រភពពីអាស៊ីខាងត្បូង) និងក្ងោកកុងហ្គោ (មានប្រភពពីតំបន់អាហ្វ្រិក)។
ទោះបីជា វាមានខ្លួនធំ និងកន្ទុយវែងយ៉ាងណាក៏ដោយ ក៏ក្ងោកនៅតែអាចហោះបានដែរ។ វាចាប់ផ្ដើមហោះ ដោយរត់ រួចហក់ ហើយក៏ត្រដាងស្លាបហោះតែម្ដង។
វាហោះតែក្នុងស្ថានភាពគ្រោះថ្នាក់ ហើយបានតែនៅរយៈចម្ងាយខ្លីប៉ុណ្ណោះ។ វាអាចហោះបានក្នុងល្បឿន ១៦គីឡូម៉ែត្រក្នុងមួយម៉ោង។
សត្វក្ងោកអាចរស់បានដល់អាយុ ២៥ឆ្នាំ ដែលមានអាយុវែងជាងបក្សីផ្សេងទៀត ខណៈមាន់អាចរស់ត្រឹម ៧ ឬ ៨ឆ្នាំ ខណៈមាន់ទួរគីអាចដល់ ១០ឆ្នាំ៕
No comments:
Post a Comment