អស់សត្វព្រៃមិនតិចទេ! ហាងគ្មានយីហោមួយកន្លែងលក់សត្វព្រៃ

 អស់សត្វព្រៃមិនតិចទេ! ហាងគ្មានយីហោមួយកន្លែងលក់សត្វព្រៃ

គ្រប់ប្រភេទជាច្រើនឆ្នាំមកហើយ នៅក្នុងភូមិត្នោតជ្រុំ៤ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។ ប្រជាពលរដ្ឋនៅក្បែរបានឲ្យដឹងថា ទីតាំងហាងនេះបានបើកជាយូរយានឆ្នាំណាស់មកហើយ មិនដឹងថាហាងលក់អ្វីទេ ឃើញតែរថយន្តស៊េរីទំនើបៗ ម៉ាក់ល្បី ចូលទៅញុំា ជារៀងរាល់ថ្ងៃ ចំណែកសត្វព្រៃវិញមិនថាម្ចាស់ហាងនាំចូលតាមប្រភពណាទេ។ ប្រភពច្បាស់ការមួយបានឲ្យដឹងថា ហាងទីតាំងខាងលើនេះពិតជាមានសត្វព្រៃលក់ពិតប្រាកដមែន រហូតមកទល់សព្វថ្ងៃនេះ ហើយក៏មានភ្ញៀវទៅពិសារច្រើនគួរសមដែរ។ ទីតាំងលក់អាហារសាច់ព្រៃគ្រប់ប្រភេទនេះបើកលក់ចាប់ពីម៉ោង៩ព្រឹកដល់យប់អស់ភ្ញៀវ សាច់ព្រៃមានគ្រប់ប្រភេទដូចជា សាច់ឈ្លូស សាច់កាំប្រម៉ា សាច់ជ្រូកព្រៃ សាច់ទន្សាយព្រៃ

សូមបញ្ជាក់ថា សត្វព្រៃគឺជាសត្វដ៏កម្រ តែបែជាម្ចាស់ទីតាំងខាងលើនេះប្រឹងបន្លំភ្នែកមហាជន ដើម្បីលក់ជូនឲ្យម៉ូយដែលជាអតិថជនរបស់ខ្លួនភាគច្រើនសុទ្ធតែជាអាជ្ញាធរកម្លាំងសមត្ថកិច្ចមកទទួលទាននៅទីនេះ។

គួររំលឹកថា៖ មន្ត្រី​អង្គការ​មូលនិធិ​សកល សម្រាប់​អភិរក្ស​ធនធាន​ធម្មជាតិ ប្រចាំ​ប្រទេស​កម្ពុជា (WWF-Cambodia) បាន​ស្នើ​ដល់​ប្រជាពលរដ្ឋ​ទូទៅ​ឲ្យ​បញ្ឈប់​ទទួល​ទាន​មុខ​ម្ហូប​ដែល​ចម្អិន​ពី​សាច់​សត្វព្រៃ​គ្រប់​ប្រភេទ ដើម្បី​រួម​គ្នា​អភិរក្ស​សត្វព្រៃ​ដែល​ស្ទើរ​ផុត​ពូជ​នៅ​កម្ពុជា ឲ្យ​បាន​គង់វង្ស៕

ឧបត្ថម្ភធំដោយ៖ @LKO888