តំបន់អភិរក្សព្រែកទាល់ មានទីតាំងនៅក្នុងបឹងទន្លេសាប ស្ថិតក្នុង ភូមិព្រែកទាល់ ឃុំព្រែកទាល់ ស្រុកឯកភ្នំ ខេត្តបាត់ដំបង គ្របដណ្តប់លើផ្ទៃដី ២១ ៣៤២ ហិកតា ដែលជាតំបន់ជម្រកពងកូនសត្វស្លាបទឹកធំជាងគេ នៅតំបន់អាស៊ីអាគ្នេយ៍នៃបឹងទន្លសាប ។ តំបន់អភិរក្សព្រែកទាល់នេះ ត្រូវបានគេចាត់ទុកថាជាតំបន់ដែលមានពពួកសត្វស្លាបកម្រៗរស់នៅច្រើនជាងគេបំផុតនៅលើពិភពលោក ។
សម្រស់ធម្មជាតិនៃផ្ទៃបឹងដ៏ស្រស់ស្អាតនៅទីនោះ កំពុងតែទាក់ទាញភ្ញៀវទេសចរដែលភាគច្រើនជាជនបរទេស ទៅទស្សនាកាន់តែច្រើនឡើងៗពីមួយឆ្នាំទៅមួយឆ្នាំ ។ អ្នកទេសចរដែលចង់ទៅទស្សនាតំបន់នោះ អាចធ្វើដំណើរទៅបានតែតាមមធ្យោបាយជិះទូក ឬកាណូត តែប៉ុណ្ណោះ ដែលកន្លងមកភាគច្រើនចេញដំណើរពីតំបន់ ចុងឃ្នាស នៃខេត្តសៀមរាបដោយជិះទូក ឬកាណូតប្រមាណជា ១ម៉ោងកន្លះ ទើបទៅដល់ ភូមិព្រែកទាល់នេះ ។
No comments:
Post a Comment