មជ្ឈមណ្ឌលអង្គរសម្រាប់ការអភិរក្សជីវៈចម្រុះ អំពាវនាវឲ្យប្រជាពលរដ្ឋចេះស្រឡាញ់សត្វព្រៃ និងចូលរួមថែរក្សាការពារទាំងអស់គ្នា !

មជ្ឈមណ្ឌលអង្គរសម្រាប់ការអភិរក្សជីវៈចម្រុះ អំពាវនាវឲ្យប្រជាពលរដ្ឋចេះស្រឡាញ់សត្វព្រៃ និងចូលរួមថែរក្សាការពារទាំងអស់គ្នា !

ខេត្តសៀមរាប៖ ប្រធានមជ្ឈមណ្ឌលអង្គរសម្រាប់ការអភិរក្សជីវៈចម្រុះអំពាវនាវឲ្យប្រជាពលរដ្ឋចេះស្រឡាញ់សត្វ ព្រៃ និងចូលរួមថែរក្សាការពារទាំងអស់គ្នា ព្រោះថា បច្ចុប្បន្នមានសត្វព្រៃមួយចំនួនប្រឈមនឹងការផុតពូជ ។

លោក Michael Meyerhoff ប្រធានមជ្ឈមណ្ឌលអង្គរសម្រាប់ការអភិរក្សជីវៈចម្រុះ បានថ្លែងឲ្យដឹងថា ប្រទេសកម្ពុជា ជាប្រទេសមួយដែលមាន សត្វព្រៃ ជីវៈចម្រុះ យ៉ាងច្រើនសម្បូបែប ប៉ុន្តែសត្វព្រៃ ជីវៈ ចម្រុះទាំងនោះ មានមួយចំនួន បានកំពុងប្រឈមមុខ និងការបាត់បង់ ការគំរាមកំហែង ដល់ជីវិត ។

ក្នុងនោះសត្វព្រៃជាច្រើនប្រភេទ ដែលទាមទារឲ្យមានការ យកចិត្តទុកដាក់ ក្នុងការថែរក្សា និងអភិរក្សផងដែរ ហើយដើម្បីចូលរួមការពារ អភិរក្ស និងជួយសង្គ្រោះ សត្វព្រៃ និងជីវៈចម្រុះដ៏សម្បូបែបនេះ មជ្ឈមណ្ឌលអង្គរសម្រាប់ការអភិរក្សជីវៈចម្រុះ បានបង្កើតឡើងតាំងពីអំឡុង ឆ្នាំ២០០៣មក ។

នៅក្នុងរយៈពេល១៥ឆ្នាំមកនេះ មជ្ឈមណ្ឌលបានធ្វើការងារដ៏លំបាកជាច្រើន សម្រាប់កិច្ចការពារបរិស្ថាន និងអភិរក្សសត្វព្រៃជា ច្រើនប្រភេទ នៅប្រទេសកម្ពុជា ។

លោកបានបន្តថា បច្ចុប្បន្ននេះ មជ្ឈមណ្ឌលអង្គរ សម្រាប់ការអភិរក្សជីវៈចម្រុះ ជាអក្សរកាត់ជាភាសារអង់គ្លេសថា ACCB ដែលមានទីតាំងនៅក្បាលស្ពាន ក្នុងឃុំឃុនរាម ស្រុកបន្ទាយស្រី ខេត្តសៀមរាប កំពុងទទួលរក្សា អភិរក្ស ព្យាបាល និងបីបាច់ចិញ្ចឹមសត្វព្រៃ ចំនួនជាង ៦៣០ក្បាល ដែល មានប្រមាណជិត ៤០អំបូរ ហើយសត្វទាំងនេះ មានមួយចំនួនបានមកពីប្រជាពលរដ្ឋដែលពួកគាត់ចាប់បានយកមកប្រគល់ឲ្យមជ្ឈមណ្ឌល និងមួយចំនួនទៀត ទទួលបាន ពី សមត្ថកិច្ចចាប់បានពីក្រុមឈ្មួញរកស៊ីខុសច្បាប់ ។

មជ្ឈមណ្ឌល មានការថែរក្សាបញ្ហាសុខភាពយ៉ាង យកចិត្តទុកដាក់ ដោយនៅក្នុងមជ្ឈមណ្ឌលនេះមាន ពេទ្យសត្វ មានជំនាញច្បាស់លាស់សម្រាប់ការព្យាបា ល ក្រោយពីការព្យាបាលសត្វឲ្យមានសុខភាព ល្អវិញហើយនោះ ពេលខ្លះមជ្ឈមណ្ឌល ក៏បានព្រលែងសត្វព្រៃទាំងនោះ ឲ្យត្រឡប់ទៅរស់នៅក្នុងព្រៃធម្ម ជាតិវិញក៏ធ្លាប់មាន ដែលធ្វើឲ្យចំនួនសត្វព្រៃ នៅទី នេះមិនសូវមានចំនួន ទៀងទាត់នោះទេ ។

ឧបត្ថម្ភធំដោយ ៖ @lko888